香港變了美國殖民地？

搭巴士聽到，大尾篤正式易名為大美督，當我看見這三個字，嚇了一跳。我腦海浮出的字面意思係：大美（帝）國派來的總督，正如以往英帝國在所有殖民地都會派總督一樣。後來看報，才知道改名理由係尾同篤都係最後，不雅，改之。

本來改名在香港的歷史毫不罕見，如吊頸嶺改調景嶺，狗爬徑改九華徑，都是要雅化；但係今次卻是more than 雅化，以係一如陰澳變欣澳，還要加Sunny Bay，噢，好一片陽光與海灘，那種歐美中心對太平洋島嶼和加勒比海島嶼的想像。C’mon，難道香港還未夠迪士尼化，連郊外都要變鬼佬想像的Sunny Bay？

我城一直有個傳聞，點解最初那幾個港督的華文譯名咁鬼死核凸，係當年的師爺透過醜化港督名字，來表達香港的華人對英國人的不滿；但係點解今時今日，D友仔又可以咁樣將香港地(名)雙手奉上please美帝呢？

Let’s Watch How These Social Workers Work!

近年的香港中小學教育，在措施上，真的好像比以前更著重了藝術教育，所以成日都見到佢地請人返去講創作，搞表演，帶workshop。不過，去過呢D中小學表過演帶過workshop的朋友，都有唔少野呻：有人覺得老師應該要去上下workshop；有人因為問親D同學仔叫乜名時佢都係show張牌畀你看感到不安。

現在有不少學校社工都會找人去學校做playback，帶playback workshop；但係有D社工的心態真係要話一話：乜都要即刻見到成效，亦唔尊重同學仔的sharing。星期五去到粉嶺某中學做playback，原本諗左D warm-up game 畀D同學仔玩，但係後來聽到Grad話間中學畀個Lecture Theatre我地，我就即刻呆左：Lecture Theatre D凳唔郁得的，這樣的setting，已前設了要同學仔乖乖地坐在座位上，而且亦顯得壁壘分明、楚河漢界，更何況坐在周圍的都係識（而未必熟）的同學，一叫佢出來，好容易將佢成為spot，點樣分享呢？在第一節過後，社工姐姐同Grad講，可唔可以畀第二節D同學多D involve，教佢地玩下云云。Playback當然想大家involve，但係你偏偏畀一個妨礙大家involve的場地耶！

做playback最大忌就是去judge teller的感覺。Playback的empowerment作用，就是尊重每一個人的故事（故華文謂之一人一故事劇場），無論teller的感覺／故事是甚麼，對他／她來說都是真實／實在的，演員都會呈現出來，這對長期被disempowered的人尤其重要。去粉嶺那日，卻有社工在錄影，難道他們不知道這是對同學仔構成不安嗎？亦有社工在我地做完performance之後，即席value judge一個講過野的同學仔，話佢講的事情「無聊」－－難道這就是這些社工的專業訓練？