昨日中午,收到School Office的電話。
「已經收到你遞來申請leave那張form,但係你可唔可以specify日期?」
「下!我6月到9月都係在台灣,咁我做野的時間係overlap個喎…」
「但係Faculty個system唔識入呀,或者你填返你幾時做intern,幾時係archival work」
哦,原來係Faculty個system唔識入,所以要人就system,於是,我會在同一個時段做的事,變成了這樣:
15 June 2007 – 20 June 2007: Fieldtrip in Taiwan
21 June 2007 – 24 June 2007: Data-collection in Taiwan
25 June 2007 – 31 August 2007: Attending the Internship Program offered by Graduate Institute of Building and Planning, National Taiwan University, Taiwan
1 September 2007 – 5 September 2007: Doing archival works in Taiwan
6 September 2007 – 9 September 2007: Conducting semi-structural open-ended interviews in Taiwan
然後send去school office,加左句The above table is a brief timetable, and the different categories are indeed overlapping in the timeline,附送Thank you for your kindly approval for my application,好讓可以attach去faculty。
一開始請假,好直覺我以為係寫信畀supervisor,然後學足HKU做法,cc畀成村人;拎到去faculty,faculty個哥哥話,唔使寫信,係填form,好,填就填,你叫我把我study leave要做的全部(ALL)都要標記,咁我係咪tick囉,都係在台灣,當然一次過請假啦。如果faculty個system係真係唔識得一個人開conference時可以做埋data collection的話,咁唔該你話一項一張form。
讀大學學咩?填form囉! 最誇張係如果你病左去clinic,如果係咳或者喉嚨痛,係唔需要看醫生,填form拿藥就得。點解大學係訓練AO場所,好簡單,因為做AO同讀HKU一張,最重要跟足D form,最好將你的身體切割成幾份。